दत्त दिगंबर वस्तीतील गुढीपाडवा उत्सव – हिंदू संमेलनात उत्साहाची लाट.

साद -प्रतिसाद ऑनलाईन.

दत्त दिगंबर वस्तीमध्ये गुढीपाडव्याच्या शुभमुहूर्तावर हिंदू संमेलनाचे आयोजन आर्यन्स स्कूल आणि तपोधाम सोसायटी यांच्या संयुक्त विद्यमाने करण्यात आले. कार्यक्रमाची सुरुवात विठ्ठल मंदिरापासून शोभा यात्रेनं झाली, जी आर्यन्स स्कूल येथे संपुष्टात आली. यात्रेत लेझीम पथक आणि भारत माता रथ असे आकर्षक कार्यक्रम पाहायला मिळाले.

कार्यक्रमाची अधिकृत सुरुवात शंखनाद आणि गो माता पूजनाने झाली. हिंदू संमेलनाचे संयोजक मा. पारेकर महाराज यांनी मान्यवरांचे स्वागत केले, तर मा. हांडे महाराज यांनी उपस्थितांना आशीर्वचन दिले. त्यानंतर गणेश वंदना, गीता पठण आणि पंचपरीवर्तन या विषयावर डॉ. ऐश्वर्या इनामदार यांचे विचार मांडले गेले.

कार्यक्रमात भारुड सादर करण्यात आले, तर मा. सचिन अग्निहोत्री यांनीही आपले विचार उपस्थितांसमोर मांडले. लहान मुलांनी लाठी-काठी, तलवारबाजी आणि दानपट्टा फिरविणे यांसारख्या सांस्कृतिक कार्यक्रमांचा उत्साहपूर्ण सादरीकरण केले.

सर्व कार्यक्रम संपल्यानंतर उपस्थितांना स्नेह भोजनाचा आस्वाद घेता आला. कार्यक्रम अत्यंत आनंददायी आणि उत्साही वातावरणात पार पडला.